ბავშვების აღზრდა, სულიერად და ფიზიკურად.

        უფლისგან  იყვნენ  დალოცვილები  ჩვენი  მოსწავლეები  და  ჩვენი  მომავალი  თაობა.

1.პროექტის  სახელწოდება: სპორტის  გაკვეთილი  ბუნებაში.
2.პროექტის  მთავარი  იდეა ( თემა ): ჩვენი  მომავალი  თაობის  აღზრდა  საჭიროა,  როგორც  სულიერად,  ასევე  ფიზიკურად.
3.პროექტის  აქტუალობა: მოსწავლეთა  ფიზიკური  აღზრდის  საქმეში  წარმატების  მისაღწევად  სისტემატურად  ვეძებ  გზებსა  და  საშუალებებს.   გადავწყვიტე  სƯ8;ორტის  გაკვეთილი  ჩამეტარებინა  ბუნების  წიაღში,  მით  უფრო,  რომ  ჩვენი  მხარე  ამის  საშუალებას  იძლევა.
4.პროექტის  მიზანი: მაინტერესებდა,  რა  შედეგს  მომცემდა  ბუნებაში  ჩატარებული  გაკვეთილი.  ამისათვის  ავირჩიე  ძამის  ხეობა.  აქვე  მდებარეობს  მთელი  რიგი  ეკლესია  მონასტრებისა,  რომლებიც   კიდევ  უფრო  დააინტერესებდა  მოსწავლეებს.  სურვილი  გამიჩნდა  ფიზიკური  აღზრდა  დამეკავშირებინა  მოსწავლეთა  სულიერად  ჩამოყალიბებისა  და  ზნეობის  გაფაქიზების  მიზნით.
5. მოსწავლეთა  ასაკი:  მეხუთე  კლასი  10- 11-  წელი.
6. პროექტის  ვადები  ხანგრძლივობა: ერთი  სამუშაო  დღე.
7. მოსალოდნელი  შედეგები:  ჩაფიქრებული  მქონდა,  მომეწყო  შეჯიბრი  ვინ  სწრაფად  გადალახავდა  მდინარე  ძამას.  ეს  მოსწავლეებში  გამოიწვევდა  აღტაცებას  და  სიხარულს,  მოტივაციას  გააძლიერებდა   წარმატების  მოპოვებისათვის,  რადგან  მათთვის  ასეთი  შეჯიბრი  უცხო  იყო.
8. პროექტისათვის  საჭირო  ძირითადი  რესურსები: მოსწავლეთა  ჯგუფი, ტრანსპორტი, ვიდეო კამერა, ციფრული  ფოტო  აპარატი,  კომპიუტერი  პროექტორი.

9. პროექტის  მსვლელობა( ძირითადი  აქტივობები):  მოსწავლეები   დიდი  ექსტაზით  ჩაერთვნენ  შეჯიბრში.  ბავშვები  გავყავი  ორ  ჯგუფად.  გაკვეთილის  წარმატებით  ჩავლის  შემთხვევაში,  ბავშვებს  შევპირდი  მომავალში  მომეწყო  ლაშქრობა  ღამის  თევით.  ვფიქრობ,  ეს  გამოაწრთობს  მოსწავლეთა  ნებისყოფას,  ამტანობასა  და  გამძლეობას.  შეჯიბრის  დაწყებამდე  კარგად  დავათვალიერე  და  შევისწავლე  ის  ადგილი  სადაც   მოხდებოდა  ეს  შეჯიბრი.  რომ   რაიმე  საშიშროება  არ  მომხდარიყო.  ამის   შემდეგ   მოხდა   გაკვეთილის  ჩატარება.
სპორტის  გაკვეთილმა  ღია  ცის  ქვეშ  წარმატებით  ჩაიარა.  ამის  შემდეგ  გადავწყვიტე  საგანთაშორის  კავშირის  მიზნით  დაგვეთვალიერებინა  ეკლესია - მონასტრები.  მოვინახულეთ  ორხევის,  ყინწვისის,  წმინდა  ეკატერინეს,  39  წამებულის  სახელობის  მონასტრები.  დიდი  სამსახური  გაგვიწიეს  საეკლესიო  პირებმა  რომლებიც  შთამბეჭდავად  ესაუბრნენ  ბავშვებს.  შეიძინეს  საეკლესიო  ნივთები,  დაანთეს  სანთლები  და  ძალიან  კმაყოფილები  დაბრუნდნენ  შთაბეჭდილებით  დატვირƯ1;ულნი.

10. საგნებთან/ საგნობრივ  ჯგუფებთან /  ეროვნულ სასწავლო   გეგმასთან  კავშირში: აქვე  უნდა  ავღნიშნო,  რომ  პროექტს  სხვა  მეტად  აქტუალური  მნიშვნელობაც  ჰქონდა.  აღნიშნულ  პროექტში  მონაწილეობდა  კლასის  ხელმძღვანელი  მათემატიკის  მასწავლებელი  მერი  მუნჯიშვილი,  რომელმაც  მდინარის  გადალახვის  შემდეგ  შედეგების  შეჯამების  მიზნით  მოაწყო  მათემატიკური  კონკურსი. " ვინ  უფრო  სწრაფად  დააჯამებდა  შედეგებს"  ამან  კიდევ  უფრო  გააქტიურა  მოსწავლეები  და  ღონისძიება  უფრო  ხალისიანი  გახადა. ამით  კიდევ  ერთი  საქმე  გაკეთდა.  ეროვნული  სასწავლო  გეგმის  შესაბამისად  მოეწყო  ინტეგრირება  სპორტსა  მათემატიკას  შორის.
11. პროექტის  ხელმძღვანელი( მასწავლებელი):  სპორტის  მასწავლებელი  ზურაბ  ჯუშოშვილი.
12. ხელმძღვანელის  ელ  ფოსტა: fizorgifizorgi@gmail.com
13. პროექტის  ვებ  გვერდი:  fizorgifizorgi.blogspot.com
                                   fizorgifizorgi1.blogspot.com